Cosán an tSuímh...
Fodhlíthe do Luasteorainn Speisialta do Thrácht ar Bhóithre
Sula gcuirtear luasteorainneacha nua i bhfeidhm caithfear an nós imeachta a leanas a chomhlíonadh, mar atá leaghta amach san Acht um Thrácht ar Bhóithre 2004:
- Fógra a thabhairt do gach Comhairle Baile laistigh den Chontae arna mbeidh éifeacht ag na tograí orthu
- Fógra a thabhairt do Choimisinéir na nGardaí
- Breithniú a dhéanamh ar uiríll a fhaightear laisitigh d'aon mí amháin ó ceachtar dóibh siúd atá luaite thuas
- Toiliú a fháil ón Údarás um Bóithre Náisiúnta do gach togra arna mbeidh éifeacht aige ar Bealaí Náisiúnta
- Dréacht-Fhodhlíthe a chur ar taispeáint poiblí ar feadh 30 lá.
- Cuirfear na dréachtfhodhlíthe mar aon le hiarratais i scríbhinn a fhaightear laistigh de thréimhse 30, a chur faoi bhráid comhaltaí na Comhairle chun glacadh leo.
- Má ghlactar leo, cuirfear fógra i nuachtán áitiúil ag cur in iúl don phobal gur glacadh leis na fodhlíthe nua.
- Is iad na Luasteorainneacha Speisialta arna féidir a shonrú i bhfodhlíthe ná:
30km/hr. 50km/hr 60km/hr
80km/hr 100km/hr 120km/hr
Is iad na Fo-Dhlíthe atá i bhfeidhm i gContae na Gaillimhe faoi láthair ná:
Fo-Dhlíthe um Thrácht ar Bhóithre (Luasteorainneacha) Chontae na Gaillimhe 2004
Is féidir Luasteorainneacha Speisialta a chur i bhfeidhm ar chúinsí ar leith chomh maith do:
- Tréimhsí sonraithe i rith an lae
- Laethanta Sonraithe
- Cuid/Lána de mótarbhealach atá sonraithe
Is féidir Luasteorainneacha Oibreacha Bóthair a chur i bhfeidhm i láthair i rith tréimhse a bhfuil Oibreacha Bóthair ar siúl, ar mhaithe le sábháilteacht ar bhóithre.
