SeirbhísíRéamhcheannach
Is mian le Comhairle Chontae na Gaillimhe Forbairtí Cónaithe Nach bhfuil Tosaithe Fós a cheannach chun Tithíocht Inacmhainne a chur ar fáil
Iarrtar ar thógálaithe tithe agus forbróirí tithíochta i gContae na Gaillimhe machnamh a dhéanamh tithe nó árasáin nach bhfuil tógtha ach a bhfuil cead pleanála faighte ina leith a thairiscint d’údaráis áitiúla faoi shocrúchán réamhcheannaigh tithíochta lándéanta. Tá údaráis áitiúla ag iarraidh socrú réamhcheannaigh a dhéanamh chun tithe lándéanta a fháil sna ceantair is géire a dteastaíonn tithíocht shóisialta iontu. Tá an glao seo dírithe ar dheiseanna réamhcheannaigh maidir le 10 áit chónaithe ar a laghad agus 150 áit chónaithe ar a mhéid faoi aon scéim amháin.
Tá Comhairle Chontae na Gaillimhe ag iarraidh réamhcheannach a aontú i ndáil le réadmhaoine lándéanta ‘lasmuigh den phlean’ nach bhfuil tógtha i gceantair oiriúnacha ar fud an chontae.
Tá an deis réamhcheannaigh seo curtha i bhfeidhm chun seachadadh luathaithe tithíochta a chur ar fáil go ginearálta, agus go bunúsach, tithe inacmhainne a chur ar fáil d’iarratasóirí incháilithe a ainmneoidh an t-údarás áitiúil i gceantair ina n-aithnítear go bhfuil riachtanas suntasach ann do tithíocht inacmhainne nó tithíocht shóisialta.
Táthar ag súil, ag brath ar dhálaí agus thograí, go ndéanfaidh údaráis áitiúla comhaontú réamhcheannaigh maidir le roinnt tithe ceadaithe, a íocfar nuair a thabharfar chun críche iad. Foráiltear leis an gcomhaontú réamhcheannaigh freisin go bhféadfaidh forbróir tithe a dhíol go díreach le ceannaitheoir incháilithe a ainmneoidh an t-údarás áitiúil.
Breithneofar comhaontuithe comhfhiontair ina n-áirítear Comhlacht Tithíochta Faofa (AHB) freisin.
Faoin bPlean “Tithíocht do Chách”, tá sruthanna maoinithe suntasacha ar fáil do Chomhairle Chontae na Gaillimhe chun cur le líon na dtithe nua-thógtha údarás áitiúil i gcomhair tithíocht shóisialta agus tithíocht inacmhainne.
Is féidir le Comhairle Chontae na Gaillimhe iarratas a dhéanamh ar an gCiste Tithíochta Inacmhainne (AHF) chun cuidiú le costais tithíochta inacmhainne a íoc agus inacmhainneacht a chur ar fáil do cheannaitheoirí agus do chíosaithe ceadaithe. Is cuid de bhuiséad tithíochta inacmhainne foriomlán an AHF seo a chuirfidh €2.9 billiún ar fáil as seo go dtí 2030 chun tithe a chur ar fáil le ceannach nó le fáil ar cíos ar chostas inacmhainne. Iarrtar ar thógálaithe tithe agus forbróirí tithíochta teagmháil a dhéanamh le Rannóg Tithíochta Chomhairle Chontae na Gaillimhe chun tuilleadh eolais a fháil agus chun léirithe spéise a chur ar aghaidh. Déanfaidh an t-údarás áitiúil an togra tosaigh a bhreithniú agus, sa chás go sásaíonn sé na riachtanais tithíochta, na critéir costais agus incháilitheachta, iarrfaidh faisnéis bhreise chun leanúint ar aghaidh leis an bpróiseas.
Chun tuilleadh eolais a fháil déan teagmháil le Daithi Flood, An Rannóg Tithíochta, Comhairle Chontae na Gaillimhe trí ríomhphost a sheoladh chuig dflood@galwaycoco.ie nó trí ghlaoch a chur ar an uimhir 091 509050.
Faigh muid ar
Facebook
Lean muid ar
Twitter
Gaeilge
agus Fáilte