CEANTAR BARDASACH THUAMA CISTE CAIPITIL TACAÍOCHTA

• Naisc ábhartha eile
• CLÁR
• Ciste Aitheanta Pobail
• Scéimeanna Tacaíochta Pobail
• An Beart um Fheabhsú Sráid-dreacha
• An Clár Feabhsúcháin Áitiúil 2025
• Scéim Bhonneagair Áineasa Faoin Aer (SBÁFA/ORIS)
• An Scéim Athnuachana Baile agus Sráidbhaile
• CEANTAR BARDASACH THUAMA CISTE CAIPITIL TACAÍOCHTA

Is scéim í Ciste Caipitil Tacaíochta Pobail Cheantar Bardasach Thuama atá maoinithe ag an gCáin Mhaoine Áitiúil chun tacú le tionscadail chaipitil pobail a chur i gcrích.

Cuirfidh an ciste maoiniú meaitseála ar fáil le haghaidh áiseanna nua nó feabhsuithe ar áiseanna atá ann cheana féin a dhíríonn ar easnamh sonrach i mbonneagar sóisialta, go háirithe áiseanna a thacaíonn le leanaí, le daoine óga nó le daoine scothaosta.

Tá iarratais á lorg le haghaidh maoiniú i dtreo Thionscadail Chaipitil Pobail a rachaidh chun tairbhe do phobail áitiúla ar fud Cheantar Bardasach Thuama.

Ba chóir d’iarratasóirí iarratas a dhéanamh tríd ár gcóras deontas ar líne ag https://submit.link/3Vx.

Is é an dáta deiridh chun iarratais chomhlánaithe a fháil ná Dé hAoine, an 18 Iúil 2025 ag 4rn.

 

Na Treoirlínte:

Aithníonn Comhairle Ceantair Bardasach Thuama agus Chomhairle Contae na Gaillimhe gurb iad pobail áitiúla ceann dár n-acmhainní is mó, agus mar aitheantas air sin, tá Ciste Caipitil Tacaíochta Pobail forbartha acu chun tacaíocht airgeadais a sholáthar trí mhaoiniú meaitseála do thionscadail chaipitil pobail.

 

Riachtanais:

• Ní mór Foirmeacha Iarratais a chomhlánú go hiomlán trí https://submit.link/3Vx – ní bhreithneofar foirmeacha neamhiomlána ná iarratais gan na doiciméid éigeantacha riachtanacha.
• Cinntigh, le do thoil, gurb é Ainm an Ghrúpa a chuireann tú isteach ar d’iarratas ar líne Ainm Dlíthiúil do Ghrúpa, i.e., is ionann é sin agus an t-ainm atá ar do Chuntas Bainc agus ar an bhFoirm Bunaithe Soláthraithe.
• Moltar go mbunaítear cuntas ríomhphoist in ainm an ghrúpa don phróiseas iarratais deontais ar líne (seachas seoltaí ríomhphoist phearsanta is féidir a athrú le himeacht ama).
• Ní mór do Gach Grúpa a bheith bunaithe go hiomchuí agus, má iarrtar é, fianaise den bhunú a sholáthar, clárú mar ghrúpa deonach chun críocha cánach nó aon doiciméid/aon ghrianghraif eile sa bhreis a cheanglaítear chun a stádas a dheimhniú go hiomlán.
• Ní mór d’iarratasóirí na spriocdhátaí maoinithe go léir do chéimeanna iarratais & tarraingthe anuas a chomhlíonadh agus, má éiríonn leo, ní féidir leo a dtionscadal faofa a athrú gan toiliú roimh ré.

 

Doiciméid Éigeantacha:

• Cóip de do Ráiteas Cuntais Bainc/Comhair Creidmheasa is cothroime le dáta in ainm oifigiúil/dlíthiúil do Ghrúpa.
• Cruthúnas ar Bheartas Árachais Dliteanais Phoiblí le slánú chuig Comhairle Chontae na Gaillimhe (ba cheart do chlóis súgartha phobail atá árachaithe faoi Chomhairle Chontae na Gaillimhe leathanach A4 a chur isteach ar a bhfuil a gcumhdach deimhnithe ag árachas a n-údaráis áitiúil).
• Ní mór do gach iarratasóir 1 luachan ar a laghad a chur isteach do gach mír chaiteachais dá lorgaítear maoiniú deontais – cuirimid i gcuimhne duit a bheith ag ‘Siopadóireacht go hÁitiúil’ nuair is féidir, le do thoil.
• Ní mór go mbeadh aon chomhthoilithe reachtúla a cheanglaítear don togra tionscadail i bhfeidhm ag céim iarratais agus go gcuirfí cruthúnais isteach le d’iarratas.

 

Roghnú Tionscadail:

Leagtar amach na critéir seo a leanas chun cabhrú le tionscadail atá le maoiniú a aithint agus comhaontú a dhéanamh orthu:

a)         Riachtanas agus Leas Pobail: a mhéid a chomhlíonann togra an tionscadail easnamh sainaitheanta i mbonneagar pobail agus sóisialta.

b)         Ailíniú Beartais: a mhéid a bhfuil an togra tionscadail ailínithe le haidhmeanna agus cuspóirí Phlean Forbartha an Chontae, sprioc straitéiseach de chuid an Phlean Eacnamaíoch agus Pobail Áitiúil, agus comhlántacht le beartais, cláir agus cuspóirí eile de chuid na Comhairle nó an Rialtais.

c)    Luach ar Airgead: a mhéid a léiríonn aon tionscadal atá beartaithe luach maith ar airgead,  lena n-áirítear gnéithe amhail:

i.     Éifeachtúlacht costais: tograí a bhfuil costas soiléir orthu agus atá i gcomhréir le soláthar poiblí.

ii.    Acmhainn: tá acmhainn ann an tionscadal a sheachadadh in am agus laistigh den bhuiséad.

iii.   Caighdéan: leibhéal an mhaoinithe meaitseála atá ag teastáil i gcomparáid le haschur tionscadail chéimnithe/chríochnaithe.

iv.   Inseachadtacht: in ann é a sheachadadh laistigh de scálaí ama na scéime / maoinithe.

v.    Inmharthanacht: socruithe cothabhála amach anseo i bhfeidhm.